بافڵ جەلال تاڵەبانی سەرۆكی یەكێتیی نیشتمانیی كوردستان لە چاوپێكەوتنێكدا لەگەڵ كەناڵی “ئێڵ بی سی” بەریتانی رایگەیاند، “عێراق چەندین ساڵە لە دواوەیە و بەریتانیا زۆر هەوڵیداوە بۆ خۆشگوزەرانیی عێراق و ئێستا دەرفەتی باش هەیە بۆ بەرەوپێشبردنی ئەو ئەجێندایە”.
وتیشی، “حكومەتی نوێی عێراق بە سەرۆكایەتیی محەمەد شیاع سودانی سەرۆك وەزیرانی عێراق پلانی هەیە بۆ بونیادنەوەی عێراق و سەقامگیریی دارایی وادەكات هاوڵاتییانی عێراق كەمتر كۆچبكەن و هەروەها هانی بەریتانیا دەدەم كە وەبەرهێنان بكات و ئەو پەیوەندییە لەگەڵ عێراق و هەرێمی كوردستان زیاتربكات.
سەبارەت بە هەرێمی كوردستانیش سەرۆك بافڵ وتی، “ھەرێمی كوردستان خاوەن كانزای سروشتی زۆرین كە دەستی بۆ نەبراوە، ھەروەھا خاوەنی نەوت و غازی سروشتی زۆرن و سەبارەت بە سەرچاوەیی مرۆییش، 60%ی ئەوانەی خوار تەمەن 40 ساڵن لە هەرێمی كوردستان كەسانی بە توانان و دەتوانن بە چەندین زمان قسە بكەن.
