قائیمقامیەتی قەزای دوكان رایدەگەیەنێت، دوكاندارێكمان سزاداوە كە مریشكی سێ كیلۆیی بە چوار كیلۆ بە هاوڵاتییان فرۆشتووە.
بەپێی راگەیەندراوێكی قائیمقامیەتی قەزای دوكان كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای بەدواداچوون و چاودێریی وردی لیژنەی هاوبەشی قائیمقامیەت لەبارەی مامەڵەی دوكاندارێك كە پیشەی مریشكفرۆش بووە لە گەڕەكی چەوە سپی لە ناوەندی قەزای دوكان و دڵنیا بوونەوەیان لەو زانیارییانەی پێیان درابوو لەسەر وەرگرتنی پارەی زیاد لەكاتی كیلۆكاری كێشانی مریشك بە ھاوڵاتییان و واتە ئەگەر مریشكێك سێ كیلۆ كێشی بووبێت دوكاندارەكە بە چوار كیلۆ خەمڵاندوویەتی و پارەی كیلۆیەك زیاتری وەرگرتووە و جگە لەمەش سەرپێچی رێنمایییە تەندروستییەكانی كردووە.
لە راگەیەندراوەكەدا هاتووە، لەسەر ئەم سەرپێچییەش قائیمقامی دوكان بڕیاریدا بە سزادان و داخستنی دوكانەكەی
