بەڕێوەبەرایەتیی پۆلیسی سلێمانی رایگەیاند، دەستیانگرتووە بەسەر 150 قتوو هەنگوینی خراپبوودا کە شیاونەبوون بۆ خواردن.
لە راگەیەندراوێکدا بەڕێوەبەرایەتیی گشتیی پۆلیسی سلێمانی دەڵێت، لەلایەن پۆلیسی نەهێشتنی تاوانەوە لە قەزای دوکان دەستگیراوە بەسەر 150 قتوو هەنگوینی نەشیاو و خراپبوودا.
ئاماژە بەوەکراوە، خاوەنەکەی بەنیازبووە ئەو هەنگوینە ساغبکاتەوە، بەڵام پاش دەستبەسەرداگرتنی رەوانەی قائیمقامیەتی قەزاکە کراوە بۆ لەناوبردنی.
