ستران عەبدوڵا رایگەیاند، ئه‌وانه‌ی كه داكۆكیكردن له مافی خه‌ڵك به له‌تكردنی كوردستان و سیاسه‌ت دژی كوردستان له قه‌ڵه‌م ده‌ده‌ن، نه له كوردستانیه‌ت تێگه‌یشتوون، نه ده‌زانن كوردایه‌تی چییه.
ستران عه‌بدوڵا لێپرسراوی مه‌كته‌بی راگه‌یاندنی یه‌كێتیی نیشتمانیی كوردستان رایگەیاند، “ئه‌وانه‌ی كه دۆسیەی بودجه و شایستە داراییەکانی خه‌ڵكی كوردستان شاره‌كانی كوردستان سلێمانی و ده‌وروبه‌ری ئه‌وانه‌ی كه داكۆكیكردن له مافی ئه‌و خه‌ڵكه به له‌تكردنی كوردستان و سیاسه‌ت دژی كوردستان له قه‌ڵه‌م ده‌ده‌ن، نه له كوردستانیه‌ت تێگه‌یشتوون، نه ده‌زانن كوردایه‌تی چییه”.
ئاماژەی بەوەشکرد، “ئه‌وانه ده‌یانه‌وێت ته‌عریفێك بده‌ن به كوردستان كه یه‌كسانه به زوڵم و زۆر، كه یه‌كسانه به پێنه‌دانی مووچه‌ی خه‌ڵك، یه‌كسانه به پاشه‌كه‌وت یه‌كسانه به قوتدانی قوتی خه‌ڵك”.
