ئاوات شێخ جەناب، وەزیری دارایی هەرێم رایگەیاند، هیوادارم بتوانین بە یەكجار پاشەكەوتی مووچەی فەرمانبەران بدەینەوە نەك بە 10% و 20% و وتیشی گەڕاندنەوەی پاشەكەوتی مووچە پێویستی بە تەرخانكردنی بودجەیە و هەر كەسێك بتوانێت بیگەڕێنێتەوە من دەستی ماچ دەكەم.
راشیگەیاند، پێشتر حكومەتی هەرێم هەنگاوی لەبارەی پاشەكەوتی مووچەوە ناوە و لە ئەمانەتەوە كرا بە قەرز و پێمانوایە لە ساڵی 2013ەوە كە مووچەی فەرمانبەران نەدراوە حكومەتی عێراق بەرپرسە كە مووچەی فەرمانبەرانی هەرێمی كوردستانی نەدەنارد لەكاتێكدا كە مووچەی بۆ شاری موسڵ دەنارد.
ئاشكراشیكرد، گەڕاندنەوەی پاشەكەوتی مووچە پێویستی بە تەرخانكردنی بودجەیە و نەك مزایەدەكردن بەو بابەتەوە.
