دەزگای ئاسایشی هەرێمی کوردستان دەستگیرکردنی سێ بازرگانی ماددەی هۆشبەر و دەستبەسەردا گرتنی بڕێک ماددەی هۆشبەری راگەیاند، یەکێک لە بازرگانەکان ژنێک بووە.
بەپێی راگەیەندراوێکی دەزگای ئاسایش، زانیارییان لەسەر باندێکی بازرگانیکردن بە ماددەی هۆشبەر هەبووە و دوای لێکۆڵینەوە بە هەماهەنگی لەگەڵ ئاسایشی سلێمانی و بەڕێوەبەرایەتیی ماددە هۆشبەرەکانی دیالە ئەو باندە کە لە سێ کەس پێکهاتبوون دەستگیرکران.
ئاماژە بەوەشکراوە کە یەکێک لەو سێ بازرگانە ژن بووە و دەستگیراوە بەسەر یەک کیلۆگرام حەشیش، 295 گرام کریستاڵ و شەش گرام گەرد.
تۆمەتباران بەپێ ی ماددەی 25 لە یاسای بەرەنگاربونەوەی ماددە هۆشبەرەکان و کارتێکەرە ئەقڵییەکان، لێکۆڵینەوە لە دۆسیەکانیان بەردەوامە.
