لە شەڕی نێوان دوو خێزاندا لە سەیدسادق 5 كەس برینداربوون
سامان نادر بەڕێوەبەری سەنتەری فریاكەوتنی خێرای سلێمانی لە لێدوانێكدا بە تۆڕی میدیایی ئێستای راگەیاند، ئێوارەی ئەمڕۆ سێشەممە، لە شەڕی نێوان دوو خێزاندا پێنج كەس برینداربوون و سێ لەو بریندارانە هێنراون بۆ نەخۆشخانەی سلێمانی.
راشیگەیاند، لەو سێ بریندارەی هێنراون بۆ سلێمانی یەكێكیان تەندروستی ناجێگیرە و هێزە ئەمنییەكانیش لێكۆڵینەوەیان لە رووداوەكە دەستپێكردووە.
