ئاژانسی هەواڵگریی عێراق رایگەیاند، 11 کەسی بیانییان دەستگیرکردووە کە هەوڵیانداوە بەشێوەی نایاسایی بێنە ناو خاکی عێراقەوە.
لە راگەیەندراوی دەزگای هەواڵگریی عێراقدا هاتووە، بە کۆکردنەوەی زانیاریی لەبارەی تۆڕەکانی دزەکردن و قاچاغچێتییەوە، ئەو 11 کەسە دەستگیرکراون.
ئاماژە بەوەکراوە کە سەرجەمیان لە یەک وڵاتەوە هاتوون کە وڵاتیکی دراوسێیە، رێکارە یاساییەکان بەرامبەریان دەگیرێتەبەر بۆ ناردنەوە و سزادانیان.
