ئەمڕۆ قوباد تاڵەبانی جێگری سەرۆکی ئەنجومەنی وەزیرانی هەرێم پێشوازیکرد لە ڤیللە ڤاریۆلا باڵیۆزی یەكێتی ئەوروپا لە عێراق.
ئەمڕۆ هەینی قوباد تاڵەبانی جێگری سەرۆکی ئەنجومەنی وەزیرانی هەرێم پێشوازیکرد لە ڤیللە ڤاریۆلا باڵیۆزی یەكێتی ئەوروپا لە عێراق و لە دیدارێکدا گفتوگۆیان کرد لەسەر لێکەوتە مەترسیدارەکانی قەیرانە ژینگەییەکان و ئەوەی کە چی بکرێت تا پرسی ژینگە ببێتە ئەولەوییەتی سیاسەت لە کوردستان وعێراق.
هەر لە دیدارەکەدا تاوتوێی چەند پلانێکیان کرد بۆ پێکەوەکارکردنی هەردوو حکومەتی هەرێم و حکومەتی فیدراڵ بۆ ئەوەی بە بەرنامە و ستراتیژی هاوبەشەوە رووبەڕووی کێشە ژینگەییەکان ببنەوە.
لە دیدارەکەدا قوباد تاڵەبانی داوایکرد یەکێتی ئەوروپا لەمبارەیەوە زیاتر هاوکارمان بێت.
