پۆلیسی زاخۆ دەستگیرکردنی کەسێکی راگەیاند کە تۆمەتبارە بە چەندین تاوانی جۆراوجۆر و چەند فەرمانێکی دەستگیرکردنی هەبووە.
بەڕێوەبەرایەتیی پۆلیسی زاخۆ بڵاویکردەوە، “لە هەڵمەتێکی پلان بۆ داڕێژراودا پۆلیسی فریاکەوتنی زاخۆ توانیان تۆمەتبارێک دەستگیربکەن کە چەندین فەرمانی دەستگیرکردنی هەبووە”.
ئاماژەی بەوەشکرد، “تۆمەتبارەکە ماوەیەکی زۆر بوو لە دەست هێزە ئەمنییەکان هەڵاتبوو و بەردەوام خۆی دەشاردەوە و شوێنی خۆی دەگۆڕی، تا سەرئەنجام توانرا دەستگیربکرێت و رادەستی لایەنە پەیوەندیدارەکان بکرێت”.
ئاشکراشیکرد، “لەکاتی دەستگیرکردنی تۆمەتبارەکەدا بڕێک ماددەی هۆشبەر و چەکێک دەستی بەسەرداگیراوە”.
