وەزارەتی دارایی و ئابووری هەرێم بڵاویکردەوە، ئەمڕۆ حکومەتی عێراق بڕی 200 ملیار دیناری رەوانەی هەرێم کرد.
لە راگەیەندراوێکی وەزارەتی دارایی و ئابووری هەرێمدا هاتووە، “لەسەر بڕیاری ئەنجومەنی وەزیرانی عێراق ئەمڕۆ بڕی 200ملیار دینار گەیشتە سەر هەژماری بانکی وەزارەتی دارایی و ئابووری هەرێم لە لقی هەولێری بانکی ناوەندی عێراق”.
تا ئێستا وەزارەتی دارایی و ئابووری ئاشکراینەکردووە بڕە پارەکە بەمەبەستی دابینکردنی مووچە خەرجدەکرێت یاخود بۆ پرۆژەی دیکە.
