قائیمقامیەتی سلێمانی رایدەگەیەنێت، ئەمڕۆ هەینی، بەهۆی پابەندنەبوون بە مەرجەكانی تەندروستی و ڤێتێرنەری و رێنماییەكانی دیكەی كاركردن، لیژنە هاوبەشەكانی قائیمقامیەت چێشتخانەی سەید ئەلمەكارمی لە شەقامی سالم (سەهۆڵەكە) داخست.
لە راگەیەندراوەكەدا هاتووە، لە كاتی سەردانی لیژنەكە بۆ چێشتخانەی سەید ئەلمەكارم، دەركەوتووە لەگەڵ ئەوەی سەرپێچی لە مەرجەكانی تەندروستی و ڤێتێرنەری كردووە، بەشێوەیەكی ناتەندروست مریشكی بەستووی خاوكردووەتەوە، هەروەها پاشەڕۆی قرتێنەرەكان لە شوێنی ئامادەكردنی خواردەمەنییەكەیدا هەیە.
ئاماژە بۆ ئەوەش كراوە، بە فەرمانی قائیمقامی سلێمانی چێشتخانەی سەید ئەلمەكارم دادەخرێت و خاوەنەكەشی روبەڕووی رێكاری یاسایی دەكرێتەوە.
