هێرشی سوپای تورکیا و گروپە چەکدارییەکان بۆ سەر ڕۆژئاوای کوردستان بەردەوامە

ئەو ناوچانەی کە سوپای تورکیا و جەکدارەکان بە چڕی بۆردومانیان دەکەن

لەماوەی دوو ڕۆژی ڕابردوود لە دەوروبەری ناوچەی عەین عیسا، لە ڕۆژئاوای کوردستان گروپە چەکدارییەکانی نزیک لە تورکیا و سوپای تورکیا دەستیان بە جموجوڵی سەربازی کردووە و بەیانی ئەمڕۆ پێکدادانی قورس ڕویداوە.

میدیانی ڕۆژئاوای کوردستان ئاشکرایانکردووە کە هێزەکانی سوریای دیموکرات بۆ بەرەنگاربوونەوەی هێرشەکان گەیشتوونەتە ناوچەکە و سوپای تورکیا و چەکدارەکانی نزیکی لە چەند شوێنێکی دیکەی ڕۆژئاوای کوردستان جوڵەیان کردووە.

لە شەوی ڕابردووەوە چەکدارەکان و سوپای تورکیا هێرشیان بۆسەر گوندەکانی مشێرڤا و سەیدا دەستپێکردووە و ئەگەری هەیە کۆنترۆڵی بکەن..

میدکانی ڕۆژئاوا ئاشکراشیان کردووە لە نێوان تلتەمر و سەرێکانیدا، جوڵەیەکی زۆری سەربازیی سوپای تورکیا و گروپەکانی نزیکی هەیە.

هێرشی سوپای تورکیا و گروپە چەکدارییەکانی نزیکی، لە کاتێکدایە کە یەک ساڵ تێپەڕیووە بەسەر ئاگربەستی نێوان سوپای تورکیا و هێزەکانی سوریای دیموکرات، کە بە نێوەندگیری ئەمریکا و مایک پێنسی جێگری سەرۆکی ئەمریکا ڕاگەیەنرا.

بابەتی پێشتر

پۆلیسی هەڵەبجە لەبارەی کوشتنی دوو کەسەوە ڕونکردنەوە دەدات

بابەتی دواتر

سەرەتای ئەم مانگە ڕوسیا وتبووی تورکیا هێرش بۆسەر ڕۆژئاوا دەستپێدەکاتەوە

بابەتی پەیوەندیدار
Total
0
Share