بەرێوەبەری چاودێری و بازرگانی سلێمانی رایدەگەیەنێت، رۆژانە سلێمانی پێویستی بە 2 هەزار كارتۆن هێلكە هەیە و تێكڕا هەرێمی كوردستان پێویستی بە 7 هەزار كارتۆن هەیە و دەشڵێت، “لە هاویندا خواست لەسەر هێلكە كەمدەكات”.
سۆران عەبدولغەفور، بەڕێوەبەری چاودێری و بازرگانیی سلێمانی لە لێدوانێكدا بە تۆڕی میدیایی ئێستای راگەیاند، رۆژانە هەرێمی كوردستان پێویستی بە 7 هەزار كارتۆن هێلكەیە و سلێمانی بە تەنها پێویستی بە 2 هەزار كارتۆن هێلكە هەیە.
راشیگەیاند، ئێستا نرخی یەك كارتۆن هێلكە بە 51 هەزار دینارە و لە وەرزی هاویندا خواست لەسەر هێلكە كەمدەكات و نرخەكەی دابەزین بەخۆوە دەبینێت.
