ماوەی چەند رۆژێکە مینحەی بەرکەوتووانی چەکی کیمیایی، لەلایەن حكومەتی راسپاردەوە راگیراوە و ئەمڕۆ هەینی بۆ داواكردنی مافەكانیان لە هەڵەبجە خۆپیشاندانیان ئەنجامدا.
کۆمەڵەی قوربانییانی کیمیابارانی هەڵەبجە، لە کۆنگرەیەکی رۆژنامەوانیدا كە پەیامنێری تۆڕی میدیایی ئێستا ئامادەیبوو، ناڕەزایی بەرکەوتووانی چەکی کیمیایی دژی ئەو بڕیارە دەربڕی.
لە خۆپیشاندانەكەی ئەمڕۆیاندا، بەرکەوتووانی چەکی کیمیایی كە حكومەتی راسپاردە مینحەكانیانی بڕیوە، پەیامێکیان ئاراستەی هەرسێ سەرۆکایەتییەکەی هەرێمی كوردستان کرد و داواكاربوون گرفتەكەیان چارەسەربكرێت و مافیان بۆ بگەڕێندرێتەوە.
