بەڕێوەبەرایەتیی گشتیی تەندروستیی سلێمانی رایگەیاندووە، لە ماوەی یەک مانگدا 466 بوژانەوەی دڵ ئەنجامدراوە و هەزار و 381 نەخۆش سەردانی نەخۆشخانەی پسپۆڕییەکانی دڵیان کردووە.
بەپێی ئاماری بەڕێوەبەرایەتیی گشتیی تەندروستیی سلێمانی، لە مانگی رابردوودا لە 1 بۆ 31/3/2023 هەزار و 381 نەخۆش سەردانی نەخۆشخانە پسپۆڕییەکانیان کردووە، 693 نەخۆش داخڵکراون.
ئاماژە بەوەشکراوە، لەو ماوەیەدا (466) بوژانەوەی دڵ ئەنجام دراوە، ( 31) نەشتەرگەریی دڵ، ( 378) قەستەرە، (192) باڵۆن و (4) پەیس مەیكەر لەنەخۆشخانەی پسپۆرییەكانی دڵ ئەنجامدراوە.
مانگی رابردوو لە نەخۆشخانەی پسپۆڕییەكانی دڵ (252) پشكنینی سیتی سكان و (303) ئیكۆ و( 310) هێڵكاری دڵ ئەنجام دراوە و( 113 )چارەسەری سروشتی كراوە و( 127) تیشك گیراوە.
