حكومەتی عێراق مووچەی مانگی نیسانی سەرجەم مووچەخۆران پێش جەژن دابەشدەكات و بڕیاریداوە بە بۆنەی جەژنەوە، ئەم مانگە قیستی قەرز و پێشینەكان لە هاوڵاتییان وەرنەگرێتەوە.
بەپێی میدیای نیمچەفەرمیی عێراق، وه‌زاره‌تى دارایی بڕیاریداوە پێش جه‌ژنى ره‌مه‌زان مووچه‌ى مانگى نیسانی فەرمانبەران و خانەنشینان و مووچەخۆران دابه‌شبکات و بەو پێیەش تا رۆژی 20ـی ئەم مانگە، پرۆسەی دابەشكردنی مووچە تەواودەبێت.
سەرباری دابەشكردنی مووچە، حکومەتی عێراق بڕیاریداوە بەهۆی جەژنەوە ئەم مانگە قیستی قەرز و پێشینەکان لە هاوڵاتییان وەرنەگرێتەوە، ئەمەش لە كاتێكدایە بڕیارە لە هەرێمی كوردستان تا 20ـی نیسان مووچەی مانگی ئازاری رابردوو دابەشبكرێت.
