نەتەوە یەكگرتووەكان لەبارەی گۆڕانكاریی كەشوهەوا و كاریگەرییەكانی لەسەر عێراق هۆشداری دەدات و سەرۆكی بەرنامەی گەشەپێدانی مرۆیی سەر بە رێكخراوەكەش لە عێراق دەڵێت، “عێراق دووچاری وشكەساڵییەكی سەخت بووەتەوە و ئەوەش كاریگەری لەسەر سێكتەرەكانی دیكە و تاك بە تاكی وڵات دەبێت”.
لەو بارەیەوە ئۆكی لوتساما سەرۆكی بەرنامەی گەشەپێدانی مرۆیی لە بەغداد رایگەیاند، ئاستی ئاو لە عێراق رووی لە كەمبوونەوە كردووە و ئەوەش هەڕەشە و مەترسییە لەسەر داهاتووی عێراق و لە ئێستاشدا عێراق دووچاری وشكەساڵییەكی ساخت بووەتەوە كە كاریگەری نەرێنی لەسەر ئاسایشی خۆراك و سێكتەری كشتوكاڵی بە تایبەت لە عێراقدا دروستدەكات.
ئاماژەی بۆ ئەوەش كرد، كاریگەرییەكانی گۆڕانی كەشوهەوا بە روونی لەسەر هەردوو رووباری دیجلە و فورات دەركەوتووە.
