نوسینەگەی سەرۆک وەزیرانی فینلەندا ئاشکرایکرد، سبەینێ وڵاتەکەی بە فەرمی دەچێتە ناو هاوپەیمانیی ناتۆ.
لەوبارەیەوە یەنیس ستۆڵتنبێرگ ئەمینداری گشتیی هاوپەیمانیی ناتۆ رایگەیاند، سبەینێ سێشەممە فینلەندا دەبێتە 31ـەمین ئەندامی هاوپەیمانێتییەکەمان.
وتیشی، “سبەینێ پێشوازی لە فینلەندا دەکەین وەک سی و یەکەمین ئەنداممان، هەروەها ئاڵای ئەو وڵاتە لە سبەینێوە هەڵدەکرێت لە بارەگای سەرەکیی ناتۆ لە برۆکسل.
نوسینگەی سەرۆکی فینلەندا جەختیکردەوە، سەرۆکی وڵاتەکە بەرەو برۆکسل بەڕێکەوتووە بۆ بەشداریکردن لە ئاهەنگی بوون بە ئەندامی ناتۆ کە سبەینێ بەڕێوەدەچێت.
