کوشتارگەی سلێمانی ئاشکرایکردووە کە بەبۆنەی جەژنی نەورۆزەوە تەنها لە حەوت رۆژی رابردوودا 605 تۆن و 750 کیلۆگرام گۆشتی ئاژەڵی گەورە و بچوک رەوانەی بازاڕ کراون.
کوشتارگەی هاوچەرخی سلێمانی رایگەیاند، لە ماوەی حەوت رۆژدا تاوەکو دوێنێ چوارشەممە بڕی 294 تۆن گۆشتی ئاژەڵی گەورە کە لە رووی تەندروستی و بەهای خۆراکییەوە شیاوبوون بۆ خواردن رەوانەی بازاڕەکانی سلێمانی کراون.
بەپێی داتاکانی کوشتارگەکە، بڕی 211 تۆن و 750 کیلۆگرام گۆشتی ئاژەڵی بچووک کە لەرووی تەندروستییەوە گونجاوبوون رەوانەی بازاڕەکانی سلێمانی کراون.
هەروەها ئاماژە بەوەکراوە، بڕی یەک تۆن و 550 کیلۆگرام گۆشتی ئاژەڵ کە شیاو نەبوون بۆ خواردن و بەهای خۆراکییان تێدا نەبووە رەتکراونەتەوە و نەنێردراونەتە بازاڕەوە.
