سەرۆكایەتیی شارەوانیی سلێمانی ئاگاداری هاوڵاتیيان و شۆفێران دەكات كە سبەینێ تونێلی پێشڕەو دادەخرێت.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، سبەینێ شەممە 11ی 3ی 2023 بەشی خزمەتگوزاریی شارەوانی هەڵمەتێك بۆ پاككردنەوە و خاوێنكردنەوەی تونێلی پێشڕەو لە كاتژمێر 9ی سەر لەبەیانی تا كاتژمێر 12ی نیوەڕۆ دەستپێدەكات.
لە راگەیەندراوەكەدا هاتووە، ئاگاداری هاوڵاتییان و شۆفێران دەكەین، كە شەقامی چیای ئەزمەڕ بەكاربهێنن.
