نێچیرڤان بارزانی سەرۆكی هەرێمی كوردستان گەیشتە ئەبو زەبی، لەگەڵ محەمەد بن زاید ئال نەهیان، سەرۆكی ئیمارات كۆدەبێتەوە و پەیوەندییەكانی عێراق و هەرێمی كوردستان لەگەڵ ئیمارات تاوتوێدەكرێن.
سەرۆكایەتیی هەرێمی كوردستان بڵاویكردووەتەوە، پاشنیوەڕۆی ئەمڕۆ پێنجشەممە نێچیرڤان بارزانی، سەرۆكی هەرێمی كوردستان بە بانگهێشتی فەرمیی شێخ محەمەد بن زاید ئال نەهیان، سەرۆكی ئیمارات، بەرەو ئەبوزەبی بەڕێكەوت.
لە كۆبوونەوەیەكدا سەرۆكی هەرێمی كوردستان لەگەڵ سەرۆكی ئیمارات، پەیوەندییەكانی عێراق و هەرێمی كوردستان لەگەڵ ئیمارات، بوارەكانی هاریكاریی هاوبەش، دۆخی عێراق، دوایین پێشهاتەكانی ناوچەكە و چەند پرسێكی جێی بایەخی هەردوولا، تاوتوێدەكرێن.
