تەنها لە وڵاتانی سەر بە یەكێتیی ئەوروپا، ساڵانە زیاتر لە 10 هەزار كەس بەهۆی تەمەڵییەوە دەمرن.
بەپێی زانست، چەندین هۆكار لە پشت سستی و تەمەڵبوونی مرۆڤەوەن، لەوانە كەمخەوی، درەنگنووستن، دوودڵی و ماندووبوونی زۆر، خراپیی شێوازی خۆراك خواردن و كەمخواردنەوە ئاو.
پزیشكان ئامۆژگاریی مرۆڤەكان دەكەن بۆ خۆپاراستن لە تەمەڵی، پلان بۆ كارەكانیان دابڕێژن و ئامانجەكانیان دیاریبكەن، خۆیان لەسەر ئەوە رابهێنن كە هەر كارێك دەیكەن چێژبەخشە.
ئاماژە بۆ ئەوەش دەكەن كە قایبلوونی مرۆڤ بە دەستكەوتەكانی و خۆڕاهێنانی لەسەر ئەوەی كە كەس نموونەیی نییە، یارمەتیدەرن لەوەی مرۆڤ هەستێكی ئەرێنی هەبێت و سەرئەنجام ئەوەش وزە و هێزی زۆر بە جەستە و دەروونی مرۆڤ دەبەخشێت.
