رووداوێكی هاتوچۆ كە دوای نیوەڕۆی ئەمڕۆ شەممە لە دەربەندیخان روویدا، بووەهۆی برینداربوونی دوو كەس.
هاتوچۆی دەربەندیخان لەبارەی رووداوەكەوە دەڵێت، ماتۆڕسکیلێك بەرەو قەرەداغ رۆیشتووە، لەسەر پردی دێوانە هەڵدێراوەتە خوارەوە و بەو هۆیەوە شۆفێر و سەرنشینەكەی برینداربوون.
لە راگەیەندراوێكدا هاتوچۆی دەربەندیخان ئاماژەی بۆ ئەوەش كردووە، بریندارەكان بە مەبەستی چارەسەركردنیان رەوانەی نەخۆشخانەی فریاکەوتنی سلێمانی کراون.
