وتەبێژی وەزارەتی ئەوقاف و كاروباری ئایینیی هەرێم روونكردنەوە لەبارەی دیاریكردنی یەكەم رۆژی مانگی ڕەمەزانی ئەمساڵ دەدات و دەشڵێت،” 29ی مانگی شەعبان لیژنەی باڵای بینینی مانگ كۆدەبنەوە و یەكەم رۆژی مانگی ڕەمەزان دیاریدەكەن.
بەپێی پێشبینیی ناوەندە فەلەكییەكان لە میسر، سعودیە و توركیا 23ی ئازاری ئەمساڵ یەكەم ڕۆژی مانگی ڕەمەزانی ئەمساڵ دەبێت.
نەبەز ئیسماعیل وتەبێژی وەزارەتی ئەوقاف و كاروباری ئایینیی هەرێم لە لێدوانێكدا بە تۆڕی میدیایی ئێستای راگەیاند، ئەمڕۆ 28ی مانگی رەجەبە و رۆژی سێشەممە یەكەم رۆژی مانگی شەعبانە، ئێمە لە وەزارەتی ئەوقاف 29ی شەعبان لیژنەیەكی باڵامان هەیە بە هەماهەنگی لەگەڵ لیژنەی پارێزگا و ئیدارە سەربەخۆكان كۆدەبنەوە و هەماهەنگیمان لەگەڵ لیژنەی فەتوای هەرێمی كوردستاندا هەیە و پێكەوە بڕیاردەدرێت.
راشیگەیاند، “لیژنەكەمان هەماهەنگی لەگەڵ دیوانی وەقفی سووننەی عێراق دەكەن و پێكەوە بڕیاردەدەین و یەكەم رۆژی مانگی ڕەمەزانی ئەمساڵ دیاریدەكرێت”.
