سەرۆكایەتیی بەڕێوەبردنی كارەسات و دۆخی لە ناكاوی تورکیا بڵاویکردەوە، لەبەر مەترسیی بڵاوبوونەوەی نەخۆشییە ڤایرۆسییەکان جلوبەرگی بەکارهاتوو وەرناگرن.
سەرۆكایەتیی بەڕێوەبردنی كارەسات و دۆخی لە ناكاوی توركیا بڵاویکردەوە، “جلوبەرگی دەستی دوو لە ناوچە کارەساتبارەکانی تورکیا وەرناگرین، بەهۆی ئەوەی ئەو جۆرە جلوبەرگانە مەترسی گواستنەوەی ڤایرۆسەکانی هەیە و پێویستیان بە پاکژکردنەوە هەیە”.
ئاشکراشیکرد، “لە خواردن و پێداویستییەکانی دیکە پێویستە بەرواری بەسەرچوونیان دووربێت و کوالێتیان باش بێت لەلایەن لیژنەیەکەوە پشکنینیان بۆ دەکرێت و پاشان دابەشدەکرێن”.
ئەمە لەکاتێکدایە، لەدوای بومەلەرزە کارەساتبارەکەی تورکیا لە ناوخۆ و دەرەوەی وڵاتەکە هەڵمەتێکی کۆکردنەوەی هاوکاری و شمەک بۆ زیانلێکەوتووانی کارەساتەکە دەستیپێکردووە.
