قوباد تاڵەبانی رایدەگەیەنێت، بۆ ئێمە کەرکوک بەشێکی دانەبڕاوی جەستەی نیشتمانە و هەرگیزاو هەرگیز دەستبەرداری نابین.
قوباد تاڵەبانی، سەرپەرشتیاری مەكتەبی سكرتاریەتی سەرۆك مام جەلال رایگەیاند، لەساڵیادی مورافەعە مەزنەکەی سەرۆک مام جەلال-دا، کە بیرهێنانەوەیەکی مێژوویی و سەلمێندراو بوو بۆ چەسپاندنی نەخشەی کوردستانەکەمان، ئەمڕۆ سەردانی شاری کەرکوکی بابەگوڕگڕم کرد.
ئەوەشی وت، “یەکەم دیدارم لەگەڵ ژمارەیەک کەسوکار و خانەوادەی سەربەرزی چەند شەهیدێکی نەمر بوو کە بە خوێنی شەهیدانمان سنووری کوردستانمان نەخشێندراوە”.
قوباد تاڵەبانی دووپاتیشیكردەوە، هەموو کات وتوومە و دەیڵێمەوە؛ بۆ ئێمە کەرکوک بەشێکی دانەبڕاوی جەستەی نیشتمانە و هەرگیزاو هەرگیز دەستبەرداری نابین.
