هێزە ئەمنییەكانی عێراق كەمێك لەمەوبەر كەسێكیان دەستگیركرد كە 22 ملیۆن دۆلاری پێبووە.
بەپێی سەرچاوە ئەمنییەكان كە لێدوانیان بۆ میدیای عێراقی داوە، دەستگیركراوەكە خاوەنی نووسینگەی ئاڵوگۆڕكردنی دراوە و هەوڵی بردنەدەرەوەی دۆلاری داوە.
ئاماژەیان بۆ ئەوەش كردووە، ئەو كەسە هەوڵیداوە 22 ملیۆن دۆلار بە قاچاخ بباتە دەرەوەی وڵات و لە بازگەیەك دەستگیركراوە، بەبێ ئەوەی زانیاری لەبارەی شوێنەكەوە ئاشكرابكەن.
