لەگەڵ زیادبوونی ئەو گرژییانەی رۆژهەڵاتی ناوەڕاست بەخۆیەوە دەبینێت، نرخی نەوت لە بازاڕەکانی جیهاندا بەرزبوونەوە بەخۆیەوە دەبینێت.
ئەمڕۆ دووشەممە یەک بەرمیل نەوتی خاوی برێنت 54 سەنت بەرزبووەوە و گەیشتە 87.20 دۆلار، هاوکات نرخی نەوتی خاوی تەکساسیش 54 سەنت بەرزبووەوە و گەیشتە 80.22 دۆلار.
بەرزبوونەوەی نرخی نەوت لەگەڵ ئەو ناجێگیرییەدایە کە رۆژهەڵاتی ناوەڕاست بەخۆیانەوە دەبینن بە تایبەت ئەو دۆخەی لە ئێراندا دروستبووە.
هاوکات تێپەڕاندنی دۆخی کۆرۆنا و دەستکردنەوە بە کارکردن بە لەلایەن کارگە و کۆمپانیا چینییەکانەوە خواستی لەسەر نەوتی خاو بەرزکردووەتەوە و بەشێکن لە هۆکاری زیادبوونی خواست لەسەری و بەرزبوونەوەی نرخەکەی.
