بڕیارە ئەمڕۆ یەکشەممە ئەنجومەنی نوێنەرانی عێراق کۆببێتەوە و لیژنە هەمیشەییەکانی ئەنجومەنەکە هەڵبژێردرێن.
ئەنجومەنی نوێنەرانی عێراق بە سەرپەرشتیی سەرۆک و جێگرانی سەرۆکی ئەنجومەنەکە کۆدەبێتەوە و سەرۆک و جێگرانی لیژنە هەمیشەییەکانی ئەنجومەنی نوێنەران هەڵدەبژێردرێن.
بەپێی دابەشکردنی لیژنەکان کورد 15 پشکی بەرکەوتووە و چوار سەرۆک و 11 جێگر کە چواریان جێگری یەکەم و حەوتیان جێگری دووەمن.
سەرۆکی لیژنەکانی یاسایی، پەیوەندییەکانی دەرەوە، کۆچ و کۆچبەران و تەندروستی بەر کورد کەوتوون.
