سبەینێ ئەنجومەنی پارێزگای سلێمانی لەسەر پرسی كاركردنی كۆمپانیاكانی غازی شل( ئێڵ پی جی) كۆدەبنەوە و بڕیار لەسەر رێنمایی و راسپاردەكانی ئەنجومەنەكە تایبەت بە كاركردنی ئەو كۆمپانیایانە دەدەن.
بەپێی نووسراوێكی ئەنجومەنی پارێزگای سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، سبەینێ چوارشەممە، ئەنجومەنی پارێزگا كۆدەبێتەوە و كارنامەی كۆبوونەوەكەش دەنگدان و پەسەندكردنی رێنمایی و راسپاردەكانی ئەنجومەنەكە لەسەر پرسی كاركردنی كۆمپانیاكانی بواری غازی شل دەبێت.
لە راگەیەندراوەكەدا هاتووە، لە كۆبوونەوەكەدا، پرسی دابەشكردن و دیاریكردنی بەرپرسیارێتی بەپێی تایبەتمەندی بەسەر دەزگا و دامەزراوەكاندا بۆ مۆڵەتی كۆمپانیاكانی كاركردن لە كەرتی غازی شل بە گشتی و ئەو هەنگاوەش لە پێناو سەلامەتی هاوڵاتییاندایە لە پڕۆژەی یەكەكانی نیشتەجێبوون و شوێنە بازرگانییەكان.
