قوباد تاڵەبانی رایگەیاند، شۆڕش ئیسماعیل تێکۆشەرێکی سەنگینی دێرینە، لە وەزارەتی کاروباری پێشمەرگەش جدی بوو لە هەوڵەکانی بۆ جێبەجێکردنی چاکسازییەکان لەپێناو رێکخستنەوە و پتەوترکردنی هێزی پێشمەرگەو رووبەڕووبوونەوەی گەندەڵی.
قوباد تاڵەبانی سەرپەرشتیاری مەکتەبی سکرتاریەتی سەرۆک مام جەلال ئەمڕۆ دووشەممە بڵاویکردەوە، “کاک شۆڕش ئیسماعیل، تێکۆشەرێکی سەنگینی دێرینە، لە خەباتی شاخ؛ سەرکردەیەکی کۆڵنەدەر و دڵسۆزی خاک و نیشتمان بوو، هەر بەرپرسیارێتییەکی وەرگرتبێت، دڵسۆزانە کارەکانی راپەڕاندووە.
ئاماژەی بەوەش کرد، “لە وەزارەتی کاروباری پێشمەرگەش جدی بوو لە هەوڵەکانی بۆ جێبەجێکردنی چاکسازییەکان لەپێناو رێکخستنەوە و پتەوترکردنی هێزی پێشمەرگە و رووبەڕووبوونەوەی گەندەڵی”.
ئاشکراشیکرد، “ئەمڕۆ سەردانیم کرد، بۆ دەربڕینی رێز و سوپاس و پێزانینم و وەکو هەمیشە دیدارەکانی بۆ ئێمەومانان ورەبەخش بوو، ستایشی هەڵوێستە بوێرەکانیشیم کرد چ لەناو حیزب و چ لەناو حکومەت، پێگەی کاک شۆڕش لەنێو ئێمەدا، بەرزە و جێی تەقدیرمانە”.
