فەرمانگەی میدیا و زانیاریی حکومەتی هەرێمی کوردستان دەڵێت، حکومەت بڕی 70 ملیار دیناری بۆ کڕینی نەوتی سپی تەرخانکردووە و بە شێوەی تەندەر 320 هەزار بەرمیلی بە نرخی 284 هەزار دینار بۆ هەر بەرمیلێک دابینکردووە.
لە راگەیەندراوێكدا كە ئەمڕۆ چوارشەممە بڵاویكردەوە، فەرمانگەی میدیا و زانیاری رایگەیاند، نزیکەی 185 هەزار خێزان نەوتی سپییان وەرگرتووە، وەزارەتی سامانە سروشتییەکانی حکومەتی هەرێمی کوردستان، تاوەکو 19ـی کانوونی یەکەم، 36 ملیۆن و 869 هەزار و 400 لیتر نەوتی سپیی لە سەرانسەری هەرێمی کوردستان دابەشکردووە.
بەپێی راگەیەندراوەكە، حکومەتی هەرێم بڕی 70 ملیار دیناری بۆ کڕینی نەوتی سپی تەرخانکردووە و بە شێوەی تەندەر 320 هەزار بەرمیلی بە نرخی 284 هەزار دینار بۆ هەر بەرمیلێک دابینکردووە.
دەشڵێت، “پاڵپشتیی حکومەت بۆ نرخی هەر بەرمیلێک دەگاتە 65% و هاوڵاتییان تەنیا 35%ـی نرخەکەی دەدەن”.
