لە خوێندنگاكانی هەرێم رێوڕەسمی تایبەت بۆ بەرزڕاگرتنی رۆژی ئاڵا ئەنجامدرا.
رۆژی 17ی كانونی دووەم لەلایەن پەرلەمانی كوردستان بە رۆژی ئاڵا دیاریكراوە و ساڵانە لەو رۆژەدا رێوڕەسمی تایبەت ئەنجامدەدرێت.
لە هەولێر لە خوێندنگای دیاریی بنەڕەتیی تێكەڵاو بە ئامادەبوونی ئالان حەمەسەعید، وەزیری پەروەردە و بەرپرسانی پەروەردە و كارگێڕیی شارەكە و مامۆستایان رێوڕەسمێكی تایبەت بەڕێوەچوو.
لە سلێمانی-یش رێوڕەسمی بەرزراگرتنی رۆژی ئاڵا لە كۆلێجی ئەزمەڕ بۆ بەهرەداران بە ئامادەبوونی هەڤاڵ ئەبوبەكر، پارێزگاری سلێمانی و دڵشاد عومەر، بەڕێوەبەری گشتیی پەروەردەی سلێمانی و بەرپرسانی پەروەردە ئەنجامدرا.
