بەیانی ئەمڕۆ بەهۆی پێکدادانی دوو ئۆتۆمبێل لە ناو شاری کەلار شۆفێرێک و دوو سەرنشین برینداربوون.
بەڕێوەبەرایەتیی هاتوچۆی گەرمیان بڵاویکردەوە، “بەیانی ئەمڕۆ لە ناو شاری کەلار و لە شەقامی دوو سایدی گەڕەکی جوتیاران بۆ پشتێنەی شار، ئۆتۆمبێلێکی جۆری هیۆندای ئەلێنترا کۆنترۆڵی لەدەستدا و خۆی بە ئۆتۆمبێلێکی بارهەڵگری وەستاودا کێشا”.
ئاماژەی بەوەش کرد، “بەهۆی رووداوەکەوە شۆفێر و دوو سەرنشین کە یەکێکیان منداڵە برینداربوون و گواسترانەوە بۆ نەخۆشخانە و لەلایەن تیمی هاتووچۆوە لێکۆڵینەوە لە ڕووداوەکە دەستی پێکردووە”.
