سەرۆكی هەنگاریا: پاڵپشتیی چارەسەری دیموکراسی دەکەین

کاتالین نۆڤاک، سەرۆکی هەنگاریا

سەرۆكی هەنگاریا بەشداری لە كردنەوەی خوێندنگایەك لە هەولێر دەكات و رایدەگەیەنێت، پاڵپشتیی چارەسەری دیموكراسی دەكەن و دژی توندوتیژی و تیرۆر دەوەستنەوە.

لەمیانەی سەردانە دوو رۆژییەكەیدا بۆ هەرێمی كوردستان ئەمڕۆ کاتالین نۆڤاک، سەرۆکی هەنگاریا بەشداری لە رێورەسمی كردنەوەی قوتابخانەی مێلتۆیان-ی لە عەنكاوە كرد كە لەسەر ئەركی وڵاتەكەی بە بەهای چوار ملیۆن و 500 هەزار دۆلار دروستکراوە.

لە وتەیەكیشیدا بەو بۆنەیەوە رایگەیاند، هەرێمی كوردستان بەتەنها نییە و بەردەوامدەبن لە هاوكاریكردنی هەرێم و دەشیانەوێت هاوكاریی زیاتر پێشكەشبكەن.

وتیشی، “حەزناکەین وانە بەکەس بڵێین. تەنها رێز پێشاندەدەین. ئەوەش مانای ئەوەیە کە دەمانەوێت لە بەرامبەرمان تێبگەین و بیناسین و رێزی لێبگرین. بەومانایەی ئێمە رێز لە سەروەریی وڵاتانی دیکە دەگرین”.

دووپاتیشیكردەوە، هەنگاریا پاڵپشتیی چارەسەری دیموکراسی دەکات و ئیدانەی توندوتیژی و تیرۆر دەکات، ئەوەشی بە هۆكاری بوونی سەربازانی وڵاتەكەی لە عێراق و هەرێمی كوردستان نیشاندا.

لە بەشێكی دیكەی وتەكانیدا سەرۆكی هەنگاریا ئاماژەی بەو پڕۆژانە كرد كە وڵاتەكەی لە عێراق و هەرێم ئەنجامیداون و یەكێكیان ئەو خوێندنگایەیە كە ئەمڕۆ بە فەرمی كردنەوەی راگەیەندرا.

وەك یەكەم سەرۆك وەزیرانی ژنی وڵاتەكەشی هیوای ئەوەی خواست ژنان لە هەرێم دەسەڵاتیان پێدرێت بێنە ناو كایەی سیاسی و كاریان پێبدرێت.

بابەتی پێشتر

بۆ گۆڕینی بۆرییە شوشەییەكەی هەولێر 20 ملیار دینار تەرخانكرا

بابەتی دواتر

روژنامەنووسێک لە کاتی رووماڵکردنی یاریی نێوان ئەرجەنتین و هۆڵەندا جەڵتە لێیدا و مرد

بابەتی پەیوەندیدار
زیاتر ببینە

سبەینێ نرخی بەنزین هەرزان دەبێت

وتەبێژی بەنزینخانەكانی سلێمانی ڕایدەگەیەنێت، سبەینێ نرخی بەنزینی هەرزان دەبێت. بەهمەن شێخ قادر، وتەبێژی بەنزینخانەكانی سلێمانی لە لێدوانێكدا بە…
Total
0
Share