بەڕێوەبەرایەتیی هاتوچۆی هەولێر رایگەیاند، پێدانی تابلۆی ئۆتۆمبێل بە سیستمی نوێ بۆ ئۆتۆمبێلی کرێ (تاکسی و پاس) دەستیپێکردووە.
بەپێی راگەیەندراوی فازڵ حاجی وتەبێژی بەڕێوەبەرایەتییەکە، ئەمڕۆ یەکەم پاس لەهەولێر تابلۆی تازەی بۆ بەسترا و لە ئەمڕۆوە ئەو سیستمە بۆ ئۆتۆمبێلی کرێ جێبەجێدەکرێت.
لە ماوەی رابردوودا ئۆتۆمبێلی تایبەت و بارهەڵگر بە دوو قۆناغی جیا پێدانی سیستمی نوێی تابلۆیان بۆ جێبەجێکرا و تا ئێستاش بەردەوامە.
