سەرۆكایەتیی شارەوانیی سلێمانی رادەگەیەنێت، سەرجەم تیمەكانی شارەوانی خراونەتە حاڵەتی ئامادەباشییەوە بۆ بەرگرتن لە هەر ڕووداوێكی نەخوازراو و دروستبوونی لافاو.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە،
تیمەكانی بەشی ئاوەڕۆ، خزمەتگوزاریی و ئامێرەكانی شارەوانی، لەسەر ڕاسپاردەی سەرۆكی شارەوانیی لە ئامادە باشیدان بەرگرتن لە هەر ڕووداوێكی نەخوازراو و دروستبوونی لافاو.
لە راگەیەندراوەكەدا هاتووە، بەشی ئاوەڕۆی شارەوانیی سلێمانی بە بەردەوامیی لە سەرجەم وەرزەكانی ساڵدا هەڵمەتی پاككردنەوەی سەری مەنهۆڵەكان و چارەسەركردنی گیرانی ئاوەڕۆكان ئەنجامدەدات.
