حكومەت بە فەرمی بڕیاری دا ماددەی دیكە بۆ بەشەخۆراكی مانگانە زیادبكرێت و وادەی دابەشكردنی راگەیەندرا.
تاڵب حەمدانی یاریدەدەری بەڕێوەبەری گشتیی بازرگانیی خۆراك لە وەزارەتی بازرگانیی عێراق رایگەیاند، هەوڵی باشكردنی بەشەخۆراكی مانگانە دەدەن و لە هەمان كاتدا دەیانەوێت هاوسەنگیی بازاڕ رابگرن و نرخی خۆراك جێگیرببێت.
بەپێی وتەی حەمدانی، ماددەی دیكە بۆ بەشەخۆراكی مانگانەی هاوڵاتییان زیاددەكرێت بەبێ ئەوەی ژمارە و جۆری ئەو ماددانە ئاشكرابكات، ئەمەش دوای لێدوانەكەی محەمەد شیاع سودانی سەرۆك وەزیران دێت كە وەزارەتی بازرگانیی راسپارد بەشەخۆراكی مانگانە هەمەجۆر بكرێت.
یاریدەدەری بەڕێوەبەری گشتیی بازرگانیی خۆراك وتیشی، “لە ماوەی دوو هەفتەی داهاتوودا یازدەیەمین بەشەخۆراكی مانگانەی ئەمساڵ بەسەر هاوڵاتییاندا دابەشدەكرێت و مانگانە پرۆسەكە بەردەوامدەبێت”.
