سەرۆك كۆمار دەچێتە جەزائیر

لەتیف رەشید سەرۆك كۆماری عێراق و دەیان سەرۆك و سەركردە و وەزیری وڵاتان دەچنە جەزائیر و بەشداریی لوتكەی عەرەبی دەكەن.

بڕیارە سبەینێ سێشەممە خوولی 31ـەمینی لوتكەی وڵاتانی عەرەبی لە جەزائیر دەست بە كارەكانی بكات و لەتیف رەشید سەرۆك كۆماری عێراق بەشداریی لوتكەكە دەكات.

بەپێی كارنامەی لوتكەی وڵاتانی عەرەبی، دۆسیەی ئاسایشی خۆراك و پاشەكشێی ئابوریی جیهان و وڵاتانی عەرەبی و ئاڵنگارییەكانی ناوچەكە لە لوتكەكەدا تاوتوێدەكرێن و جگە لە سەرۆك كۆماری عێراق، سەرۆك، پاشا و میری 14 وڵاتی دیكە بەشداریی لوتكەی وڵاتانی عەرەبی دەكەن.

بەشێكی تری تەوەری كۆبوونەوەكانی لوتكەی وڵاتانی عەرەبی، گفتوگۆكردن دەبن لەبارەی دۆخی وڵاتانی فەڵەستین، یەمەن، لیبیا، سوریا، سودان، سۆماڵ و لوبنان و ئەو قەیرانە سیاسی و ئابورییانەی ئەو وڵاتانەیان گرتوونەتەوە.

بابەتی پێشتر

وەزارەتی دارایی خشتەی مووچەی بڵاوكردەوە

بابەتی دواتر

کاتی کردنەوەی پێشانگای نێودەوڵەتیی سلێمانی بۆ کتێب دیاریکرا

بابەتی پەیوەندیدار
زیاتر ببینە

سبەینێ هاوكێشەكان لە پەرلەماندا دەگۆڕێن
شوێنی سەدرییەكان پڕدەكرێتەوە و چێوەی هەماهەنگی دەبێتە گەورەترین كوتلە

سبەینێ ئەنجومەنی نوێنەرانی عێراق كۆبوونەوەی نائاسایی دەبەستێت، بڕیارە شوێنی پەرلەمانتارانی سەدر پڕبكرێتەوە. لەگەڵ ئەوەی تا ئێستا ئەنجومەنی نوێنەران…
Total
0
Share