دەروازەی نێودەوڵەتیی باشماخ بڵاویکردەوە، لە ئەمڕۆوە گەشتکردن بۆ کۆماری ئیسلامیی ئێران بە بێ ڤیزا دەچێتە بواری جێبەجێکردنەوە بە کۆمەڵێک مەرج و رێنماییەوە.
بەڕێوەبەرایەتی کۆمەڵگای دەروازەی نێودەوڵەتیی باشماخ، ئەمڕۆ سێشەممە بڵاویکردەوە، “لە ئەمڕۆوە سەرجەم گەشتیاران و شۆفێران دەتوانن بەبێ فیزە گەشت بکەن بۆ وڵاتی ئێران لە دەروازەکەمانەوە”.
ئاماژەی بەوەش کرد، “ئاگاداری سەرجەم هاوڵاتیان دەکەین کە پێویستە و مەرجە کارتی پلاستیکی وەرگرتنی هەردوو ژەمە ڤاکسینی کورۆنا یان پشکنینی (PCR)ی پێبێت کە لە نەخۆشخانەیەکی باوەڕپێکراو ئەنجامی دابێت بەبێ کارتی ڤاکسین یان پشکنین ناتوانێت گەشت بکات”.
