لە پارێزگای هەڵەبجە 440 یەكەی نیشتەجێبوون بۆ هاوڵاتییانی كەمدەرامەت دروستدەكرێت.
بەپێی ڕاگەیەندراوێكی پارێزگای هەڵەبجە كە وێنەیەكی دەست تۆڕی میدیایی ئێستا كەوتووە و تێیدا هاتووە، لە دیوانی پارێزگای هەڵەبجە ئازاد تۆفیق پارێزگاری هەڵەبجە، سەرپەرشتی كۆبوونەوەی تایبەت بە دروستكردنی 440یەكەی نیشتەجێبوونی بۆ كەمدەرامەتان لە پارێزگای هەڵەبجە كرد.
لە ڕاگەیەندراوەكەدا هاتووە، لە كۆبوونەوەكەدا جەخت لەسەر هەنگاوەكانی جێبەجێكردنی یەكەكان و قوناغی ڕادەستكردنیان بە بەڵێندەران و ئەو نرخانەی كە دانراون بۆ یەكەكان گفتوگۆیان لەسەركرا، جەختكرایەوە كە كاربكرێت بەجۆرێك بن كە لەگەڵ دۆخی ئابوریی هاوڵاتییان بگونجێن و هەوڵەكان بۆ جێبەجێكردنی یەكەكان خێراتربكرێن.
