مونا کچێکی خەڵکی دووزخورماتووە و پیشەی چاککەرەوەی ئامێرەکانی مۆبایلە.
مونا تەمەنی 19 ساڵە و یەکەم کچە لە قەزای دووزخورماتوو شوێنکاری تایبەت بە پرۆگرامکردن و چاککردنەوەی ئامێرەکانی مۆبایل بکاتەوە.
وەك پشتیوانییەك بۆ كار و پیشەكەی مونا، دانیشتووانی قەزاکە لە ڕێگەی تۆڕە کۆمەڵایەتییەکانەوە ستایشی هەوڵەکانی بۆ بوون بە خاوەنی کار و پیشەی خۆی دەکەن و یەكێك لە هاوپیشەكانی بۆ تۆڕی میدیایی دوا و وتی، ڕۆژانە چەندین كەس سەردانی شوێنكارەكەی مونا دەكەن بە مەبەستی چاككردنەوەی ئامێرەكانیان.
ماوەی چەند ساڵێكە كاركردنی ژنان لە بازاڕ و كردنەوەی شوێنكاری تایبەت بە خۆیان لە قەزای دووزخورماتوو برەویسەندووە و چەندین ژن لە بوارەكانی پۆشاك، جوانكاری و فرۆشتنی كەرەستەكانی ناوماڵدا كاردەكەن.
