لەسەر گواستنەوەی سزادراوان هەرێم و بەغداد ڕێككەوتن

وەزیری دادی عێراق لەگەڵ بەرپرسانی وەزارەتی كار و كاروباری كۆمەڵایەتیی هەرێم كۆبووەوە و یاداشتێكی لێكتێگەیشتن لە نێوان هەردوولا تایبەت بە چەند پرسێك واژووكران.

بەپێی ڕاگەیەندراوێكی وەزارەتی كار و كاروباری كۆمەڵایەتیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ چوارشەممە، حاكم سالار عەبدولستار وەزیری دادی حكومەتی عێراق سەردانی وەزارەتی كار و كاروباری كۆمەڵایەتیی هەرێمی كوردستانی كرد و لەگەڵ بەرپرسانی ئەو وەزارەتە كۆبووەوە و یاداشتێكی لێكتێگەیشتنیان واژووكرد.

لە ڕاگەیەندراوەكەدا هاتووە، لە یاداشتەكەدا ڕێككەوتن لەسەر گواستنەوەی سزادراوان لە نێوان هەردوولا و سەردانی فەرمانبەرانی چاكسازییەكانی ھەردوولا بە مەبەستی شارەزایی لە ڕەوشی چاكسازییەكان كراوە.

بڕگەیەكی دیكەی یاداشتەكەدا تایبەت بووە بە ڕاھێنانی كادرانی چاكسازییەكان لە ڕێگەی ئۆرگانی ڕاھێنانی تایبەتەوە بۆ بەرزكردنەوەی توانا یاساییەكان بە تایبەتی بۆ توێژەرانی كۆمەڵایەتی.

بابەتی پێشتر

سبەی خوێندنەوەی دووەم بۆ پڕۆژەیاسای درێژكردنەوەی تەمەنی پەرلەمان دەكرێت

بابەتی دواتر

ئەنجومەنی وەزیران پڕۆژەیاسایەكی كشتوكاڵی و بڕیارێكی تایبەت بە چاكسازی پەسەندكرد

بابەتی پەیوەندیدار
زیاتر ببینە

تۆمەتباری کوشتنی ئەندامەکەی کۆمەڵەی شۆڕشگێڕی زەحمەتکێشانی کوردستان دەستگیرکرا

تۆمەتباری رووداوی کوشتنی ئەندامەکەی کۆمەڵەی شۆڕشگێڕی زەحمەتکێشانی کوردستان دەستگیرکرا. دەزگای ئاسایشی هەرێم، لە راگەیەندراوێکدا بڵاویکردەوە، پاش لێکۆڵینەوە بەدواداچوون…
Total
0
Share