وەزارەتی خوێندنی باڵا و توێژینەوەی زانستیی هەرێم خوێندكاران ئاگاداردەكاتەوە لە ماوەی 15ڕۆژی داهاتوودا ناوی خوێندكارانی وەرگیراو لە زانكۆ و پەیمانگاكان ڕادەگەیەنرێت.
فەرمانگەی میدیا و زانیاریی حكومەتی هەڕیم بڵاویكردووەتەوە، كە وەزارەتی خوێندنی باڵا ئامادەكاریی تەواوی كردووە بۆ خوێندكارانی دەرچووی قۆناغی 12ی ئامادەیی كە لە زانكۆ و پەیمانگاكان وەربگیرێن.
لە ڕاگەیەندراوەكەدا هاتووە، وەزارەتی خوێندنی باڵا دەستی بە داڕشتنی داتا و پڕۆگرامەكان كردووە بۆ دابەشكردنی خوێندكاران بەسەر زانكۆ و پەیمانگاكان بەپێی كۆنمرەكانیان.
سەبارەت بە خوێندنی تایبەتیش لە ڕاگەیەندراوەكەدا هاتووە، بەپێی ڕیزبەندیی زانكۆكە بڕی 10٪ – 20٪ داشكاندن لە نرخی كرێی خوێندن كراوە، هاوكات بڕی 45٪ ی كرێی خوێندنی پاڕاڵێڵ و ئێواران لە سەرجەم زانكۆ و پەیمانگا حكومییەكانی هەرێم كراوە.
