بەڕێوەبەری گشتیی دەزگای دژەتیرۆر، بۆ گیانلەدەستدانی پێنج پێشمەرگەی فەوجی سێ لیوای پێنج، پەیامێكی بڵاوكردووەتەوە و ڕایگەیاند، “پێنج برا و هاوسەنگەرم لەدەستدا”.
وەهاب هەڵەبجەیی بەڕێوەبەری گشتیی دەزگای دژەتیرۆر، پەیامێكی هاوخەمی بڵاوكردووەتەوە و ڕایگەیاند، “هەواڵی گیانلەدەستدانی پێنج برا و هاوسەنگەرم لە هێزەكانی پێشمەرگە لە دڵەوە هەمووانی غەمباری كرد و بەم بۆنە خەمناكەوە، بەناوی خۆم و سەرجەم ئەفسەران و فەرماندە و هێزەكانی دژەتیرۆرەوە پرسە و سەرخۆشیی خۆمان ئاراستەی هاوسەنگەرانمان لە(فەوجی سێی لیوای پێنج)ی، وەزارەتی پێشمەرگە دەكەین”.
لەپەیامەكەیدا هاتووە، ” لە خودای گەورە داواكارین سەبووریی خانەوادەی هەریەكە لە (تاهیر كاكەوڵا حاجی، جمال جەلال حەمە، ئەردەڵان جەمال مەجید، توانا نەسرەدین حەمەد، سەروەر ئەنوەر مەحمود) بدات و كۆچكردووان بە بەهەشتی بەرین شاد بكات”.
