یاریدەدەری سەرۆکی زانکۆی سلێمانی بۆ کاروباری خوێندکاران ڕایگەیاند، بۆ ئەمساڵ بڕیارێکی نوێ بۆ منداڵانی شەهید لە وەرگرتنیان لە زانکۆ و پەیمانگەکانی هەرێم دراوە.
پێشڕەو حەمەجان، یاریدەدەری سەرۆکی زانکۆی سلێمانی بۆ کاروباری خوێندکاران بە تۆڕی میدیایی ئێستای ڕاگەیاند، “بۆ ئەمساڵی خوێندن بڕیارێکی نوێ هەیە بۆ منداڵانی شەهید لە وەرگرتنیان لە زانکۆ و پەیمانگەکانی هەرێم، ئەویش ئەوەیە لە هەر بەشێکدا، گەر کورسییەکی بەتاڵ مایەوە، ژمارەیەک خوێندکار بەیەک کۆنمرەوە کێبڕکێیان کرد بەمەبەستی وەرگرتنیان، لەناو ئەو خوێندکارانەشدا کچێک یان کوڕێکی شەهید هەبوو، ئەوا کورسییەک بۆ ئەو خوێندکارە زیاددەکرێت، ئەو خوێندکارانەی دیکەش کێبڕکێ لەسەر ئەو کورسییە دەکەن کە ماوەتەوە”.
وتیشی،” هاوشێوەی ساڵەکانی ڕابردوو تێچووی خوێندنی ئێواران یان پاراڕێل یان خوێندنی ئەهلی، لەلایەن وەزارەتەوە دابیندەکرێت، بۆ کچ و کوڕی شەهید”.
