سەرۆك وەزیرانی عێراق و سەرۆكی هاوپەیمانیی فەتح جەختلە دوورخستنەوەی دەزگا و دامەزراوەكانی دەوڵەت لە ناكۆكییە سیاسییەكان دەكەنەوە.
بەپێی ڕاگەیەندراوێكی نووسینگەكەی تێیدا هاتووە، ئەمڕۆ سێشەممە هادی عامری، سەرۆكی هاوپەیمانیی فەتح پێشوازی لە مستەفا كازمی سەرۆك وەزیرانی عێراق كردووە.
لە ڕاگەیەندراوەكەدا هاتووە، پێشهاتە سیاسییەكانی عێراق لە كۆبوونەوەكەدا تاوتوێكراون و جەختلە دوورخستنەوەی دامەزراوەكانی دەوڵەت لە ململانێ سیاسییەكان كراونەتەوە و هەردوولا هاوڕابوون لەسەر دۆزینەوەی نەخشە ڕێگەیەك بۆ دەربازبوونی وڵات لەم قەیرانانەی تێیكەوتووە.
