ڕاگەیاندنی پارێزگای هەولێر بڵاویكردەوە، 13 بەنزینخانەی دیكە بەهۆی فرۆشتنی بەنزینی خراپ و دەستکاریکردنی كوالیتییەکەی سزادران.
لە ڕاگەیەندراوێكدا ڕاگەیاندنی پارێزگای هەولێر بڵاویكردەوە، لەم هەفتەیەدا لەکۆی پشکنینی 55 وێستگە، لەلایەن لیژنەی پشکنین و چاودێریکردنی بەنزینخانەکان 13 بەنزینخانەی تر لەهەولێر و دەوروبەری بەهۆی دەستکاریکردنی كوالیتی به‌نزین و خراپی ئەو بەنزینەی دەیفرۆشن بەهاوڵاتییان سزادراون و ڕێکاری یاسایی لەبەرامبەر خاوەنەکانیان گیراوەتەبەر.
باسی لەوەشكرد، لەسەرەتای مانگی6ی ئەمساڵەوە تاکو ئەمڕۆ پێنجشەممە 214 بەنزینخانە سزادراون.
داواش لەهاووڵاتییان دەکەن هاوکاریان بن و لەکاتی تێبینیکردنی هەر جۆرە سەرپێچیەک، لەزووترین کاتدا ئاگاداری قائیمقامییەتی ناوەندی هەولێر بکەنەوە.
