وەزیری دەرەوەی ئێران ڕایدەگەیەنێت، تاران پەیامی خۆی لەبارەی ڕێككەوتنی ئەتۆمی لەڕێی ئەوروپییەكانەوە گەیاندووەتە ویلایەتە یەكگرتووەكان.
حسین ئەمیر عەبدللهیان وەزیری دەرەوەی ئێران لە پەیوەندییەكی تەلەفۆنیدا لەگەڵ مەولود چاوش ئۆغلۆ-ی هاوتا توركییەكەی ڕایگەیاند، پەیاممان بۆ ویلایەتە یەكگرتووەكان لەڕێی ئەوروپییەكانەوە گەیاندووە، هیوامان وایە لایەنی ئەمریكی تێڕوانینێكی لۆژیكی و كردەیی هەبێت و خواستە ڕەوا و یاساییەكانی ئێران پەسەندبكات بۆ ڕێككەوتن دەربارەی دەقی كۆتایی.
بەشێكی دیكەی پەیوەندییەكە تایبەت بووە بە چۆنیەتیی بەدواداچوونی ڕێككەوتن و بڕیارەكانی كۆبوونەوەی حەوتەمی ئەنجومەنی باڵای هەماهەنگیی ئێرانی-توركی.
